Дала

Дала.

Сөзін жазған Рахым Балабиев.
Әнін жазған  Жұпаркүл Бекшораева Мырзатайқызы

Мынау байтақ даласындай қазақтың,
Жер барма екен дүниеде ғажап тым?
Сол даланың жалбызының исімен,
Арманым жоқ шалқып өтсем аз-ақ күн.


Қайырмасы:  Айналайын ұлан ғайыр боз далам,
                        Сенсің менің сезімімді қозғаған.
                        Аманаттап кетсем деп ем ұрпаққа,
                        Қасиетіңді көнермеген, тозбаған.

Шіркін мынау қазағымның даласы-ай,
Келбетіңмен кеңдігіңе қарашы-ай.
Құс қанатын талай рет талдырар,
Батысың мен Шығысыңның арасы-ай!

Қайырмасы:  Айналайын ұлан ғайыр боз далам,
                       Сенсің менің сезімімді қозғаған.
                        Аманаттап кетсем деп ем ұрпаққа,
                        Қасиетіңді көнермеген, тозбаған.

Дархан дала неткен ыстық құшағың,
Өзіңменен ғарышқа да ұшамын!
Сен арқылы асып-тасып құшағым,
Сен арқылы арындайды күш ағын.

Қайырмасы:   Айналайын ұлан ғайыр боз далам,
                        Сенсің менің сезімімді қозғаған.
                        Аманаттап кетсем деп ем ұрпаққа,
                        Қасиетіңді көнермеген, тозбаған.

Комментариев нет:

Отправить комментарий